مهما حرمتني ماما منك يا بابا راجعلك تاني

كلمات الشاعره خيريه الصباغ
أسيوط
مهما حرمتني ماما منك يا بابا راجع لك تاني
متخافش عليه يا بابا راجعلك تاني
انا عارف يا بابا إنك يدوب عايز تشوفني ولو ساعات
اتحمل يا بابا وربنا يغير الأحوال
ماتزعلش مني يابابا انا لسه طفل صغير وأنت عارف الظروف
عارف يا بابا لما اكبر هااجيلك علي طول
أحكيلك وأقعد معاك مش ساعات أقعد معاك أسبوع
عارف يا بابا إني واحشك كتير لكن إنت عارف الظروف
أعمل أيه يابابا ماما مش فاهمه إني عايز أشوفك كمان
مش عارف ليه يا بابا هي حرماني منك وأنت أغلي الناس
مش عارف يا بابا أفهمها إني زي مابحبها بحبك إنت كمان
وزي ما محتاج لماما محتاج لبابا كمان
بلاش يا ماما تحرميني من بابا وكفايه كده بعاد
مالي أنا بالخلاف بينك وبين بابا
ماتحرمنيش من بابا يا ماما أصلي أنا بحبه زي مابحبك كمان
ياريت يا ماما متخليش الإنفصال بينك وبين بابا يحرمني من أغلي الناس