مصـر بتفرح لشاعر الروح – علي الحامدي

مصـر بتفرح

مصر بتفرح يارب تمم فرحتها
افرح يا مصري وعيش فرحتها
واحلم كمان وادعي تدوم فرحتها
سفن كتير ومراكب يارب تجري في قناتها
في المينا المراكب ترسي
وشعبك يا مصر على برك يرسي
ولادها كتير. تعبوا. واعلنوا في الحب رأيتها
حلفوا يمين. لانوم ولا راحة.
غير لما تكون مصر مرتاحة
إلى يحفر وإلى يكرك وإلى سايق عربيته
من طلوع الشمس لمغيبها دي شغلته
لا برد ولا حر ولا من العدا قر ابنك يا مصر همه
مضي عقودة ونفذ وعودة و وقدر ينهي مهامه
قبل ميعاده بشهور وفضل مكانه وكل البلاد شاهده
أشهد يا بحر أشهد يا نيل مصر متعرفش المستحيل
اكتب يا قلم سطر يا تاريخ عن عزم مصر وعن دا جيل
دا جيل لو قال ينفذ لو ثار يحرر. جيل ميعرفش المستحيل ..
جيل فيه جندي حامل سلاحه وكاتب سهران بيدون صفاحه
من نيلك وقناتك خمسة في عيون حسادك
من شعبك ورئيسك العالم يخاف ويهابك
ويجيلك يشوف مجدك ويتعلم من عزم ولادك
ولادك يا مصر هما مجدك وعزك وحراسك
حيفضل فيكي الأمان ومن السما ربنا حارسك
افرح يا مصري اتمني يا ام الشهيد
يوم الخميس فرحك ومجدك وليلته ليلة عيد
افرح وغني يا شعب مصر دي ليلة عيد
غنوة فرح للقلوب تملا والخير لينا يزيد