مشاعرنا

بقلم  الشاعر /علي الحامدي

بين الجبل والنيل
اتولدت مشاعرنا
شفت الحبيب بيميل
كبرت معاه مشاعرنا
خيل وطبول وصهيل
مزمار وحكاوي اهالينا
تاهت فيها المواويل
ومشيت في النيل مراكبنا
بأيدينا سوا زرعنا زهرتنا
والحظ كان ساكن مراسينا
منتظر وصولنا يهنينا
بين السما والأرض
بالطول كان والعرض
فرشت له سحابة ورد
بين الليل والنهار
صبح القمر محتار
ومن هنا بدأ الكلام
حيرة وشوق وحنين
وذكريات وكلام جميل
تفكير كتير وسهر طويل
حنت ليه سوا مشاعرنا