مترو الغلابه لشاعر الروح – علي الحامدي

مترو الغلابه
راح مترو الغلابة
وبقي ملاكي محطات
لا عاد للفقير محطة ولا ملاكي
وكفاية الكبير ترومبيل راكب
ولكل حاجة دايس وراكب
حتي المشي علي الرجلين غالي
كل يومين تغير للجزمة النعال
في الحر الارض في الرجل بتاكل
وترجع البيت اخر النهار متلقاش تاكل
تتخمد من الهده وتنعي حالك
لاحد فاكر فيك ولا قال مالك
راح مترو الغلابه
وبقي للي قادر يدفع
ربنا قادر عنك للبلا يدفع
ويحميك من لسع النعال في رجلك
وبقدرته يرزقك تدفع
وتركب مترو الكبار
وبرحمك من هدة المشوار
واخر النهار ترتاح وتعرف تنام
تحمد ربنا وبعدها تنعل المشوار
بس مجيش في يوم علي الغلبان
وتبقي كبير زيهم وتنسي الي كان
انك كنت غلبان وفي كبير
كان علي كل حاجه راكب