كلمة صدق

بقلم سوزان احمد

عينيا بتدمع عليكى يا بلد ——– لما اشوف ولادك بياذوا البلد

بياذوا وفى الاخر ———- يقولوا عليه العوض ومنه العوض

الكل يتعجب احنا بناذى البلد ؟؟؟؟ ده احنا اللى بنشكى ونقول عوضنا على الله فى البلد والولد

لا… اوعى تغالط نفسك ——- حاسب متضحكش على نفسك

بتكذب الكذبة ——– وتصدق نفسك

الحقيقة هى فى كلام للى زييى واللى زيك —— انك نايم وعاوز تحقق حلمك

عاوز تقوم من النوم ——— تلاقى حلمك جالك لحد عندك

من غيرما تجرى وتقاوم ——– اللى عاوز يخطفه منك

قوم …… اصحى …… اجرى ورا حلمك

هاتتعب ؟؟ ومالوا ——– ينهد حيلك ؟؟؟؟ برضه ومالوا

المهم تبنى حلمك وحلم غيرك —— ادامك واداموا

البلد امانة فى ايدينا كلنا —— عاوزانا نوحد جهودنا كلنا

دى البلد بتاعتنا كلنا —— مش واحد او اتنين او مجموعة مننا

والحق لينا كلنا —— لازم نجرى وراه ونمشى ليه برجلنا

لحد ما نرفع راس مصرنا بهمة واخلاص شعبنا

وتحيا مصر امنا