قصيدة بعنوان / في الجنه أخويا شهيد

بقلمي / مسعد سليم

أنا إبنك اللي عنكي ……. بعيد
إمسحي دموعك …….. يا أمي

في الجنه أخويا ………. شهيد
وبعدي ما زاد غير……….. همي

وكل يوم حزني ………. بيزيد
كان نفسي آكبر ……… وآسمي

و أنا شايفك في ثوبك الجديد
لحظة ما يشقشق نهار .. حلمي

الحلم اللي كان لساه ……. وليد
اللي أستبدلوه ………… بمر ألمي

يا مصر …….. يا ساريه بالوريد
يا حضن بيزيل .. وجعي وغمي

يا أصيلة ……. وتاريخك مجيد
متزعليش من أخويا …. ولامني

هو إختار الجنه ………….. أكيد
يا أحن حضن و علينا .. بتضمي

بكره بالفرح ………… جاي أكيد
ومعاه كل أولادك …….. يا أمي

كلنا جايينلك …….. ومعانا العيد
وعن كل أحزانك ………. هنرمي

نعوضك و يبقى قلبك بينا سعيد
يا حبيببه بتجري في ……. دمي