قرب الوقت بقلم المبدعه مريم نويلاتي

قرب الوقت اللي اسمع في وشوشات الشام ،،،،،جربتوا تمشوا لحالكون بالحارات وجربتو تحكو مع الحجارة اللي متمسكة بالحيطان وجربتوا تمشوا وتسمعوا خطوات العشق اللي كانا عم تراقص الطريق ،،،،جربتوا بلحظة تعب تقعدوا مقابل السور العتيق الصبح بكير بتسمعوا همس بين الحجارة والياسمين ،،،،جربوا وصدقوني انا بسمع همس من اليوم وبكرا والامس وبمسك نسيم الصبح بين ايدي وبقربا وبمسح وجي ووقت برجع بنسى كل شي بس عكفوفي ريحة بتتغلغل بقلبي وهمس ياسمين مع كل ضمة لحجار الشام هي الوشوشة مابيسمعا الا اللي بقلبو عشق لبياض الياسمين وريحة الشام