عبد الراضي علام طالب متفوق من نجع الجزيرة بمركز البداري بمحافظة أسيوط حصل على 99.76 % بالثانوية العامة والده فلاح بسيط بيشتغل باليومية وعنده فشل كلوي وعبد الراضي اشتغل في سن مبكر علشان يصرف على نفسه ومع ذلك كان متفوق وبدون دروس خصوصية علشان مفيش امكانيات مادية اصلا او معدومة كمان والسنة اللي فاتت رفض يحضر امتحان الجيولوجيا لان موعد الامتحان في نفس موعد جلسة الغسيل الكلوي لوالده على الرغم من انه كان جايب الدرجات النهائية في جميع المواد وامتحنها هذا العام وحصل على ترتيب التاسع مكرر على مستوى الجمهورية لكنه لم يعلن من الاوائل كونه اجل السنة .. عبد الراضي نموذج مشرف جدا لم يستسلم للفقر واعتمد على مجهوده الشخصي كان بيشتغل ويذاكر وبيتفوق على نفسه وعلى الظروف المحيطة اللي كلها متاديش غير لطريق واحد اكيد مش التفوق المهم الرضا حقيقي الرضا بيخلي الناس تعطي وتتفوق
