صادق بحبك كنت. للشاعر / يونس جريسي

صادق بحبك كنت
وليل الشتا شاهدي..
ناري إللي منك برد
ومُر عذابك شهدي..
أهديتك كل العُمر
وبعد العمر شأهدي..
مخدوع بيك القلب وآنه على النيّه

مُريّن منك شفت
مُر البُعد والآه..
ما أنسى جرحك أبد
لو نوحك يصير ادواه..
أرجوك عني ابتعد
وانسه المضى انساه..
تدريني بير الوفى وانته الخنت بيّه

ياما انتظرتك تجي
ويفرح بيك يومي..
تاخذني صوب الكمر
ويفطر بيك صومي..
جنت آني بيقظة حلم
وفزيت من نومي..
ياوسفه ضاع العمر وأحلام ورديّه