سؤال وآجابته

بقلم – امل يونس

سؤال وآجابته بتعافر

وتاخد روحنا وتسافر

تسيب قطر الحقيقة هنااااك

وتتشعلق علي ضوافر

تجز ف لحم الروح تصرخ

انا كافر بإني أعيش

حياه مرشوشة سنترافيش

انا ف أفيش الحلم

هاموت … وهاعيش

وبعد ما هادفن الايام

هارد الشيش علي ندمي

يزيد آلمي ف جلد الروح

ويصلب ف الجراح ف ترووووح

علي نفس القضيب للقطر

يسد ودانه م الضيقة

وم الضيقة يسد ودانه

ويصرخ لحظة … ف دقيقة

علي العمر اللي كان قدامه

لكن ما عاشوش