دماغكوا فيها ايه

كتب / هاني عبدالكريم
من غلاف مجله فنيه عليها صوره شفتشي لصورة طفل جعان بيشوف اللحمه بس عند الجزار والست اللي فارشه بكام حزمه جرجير عشان تطلع لعيالها بعشرة جنيهات لرقاصه في كباريه بيتحدف علي وسطها آلاف الجنيهات لحوت بياكل ارض بلدى بتراب الفلوس دماغكوا فيها ايه لما وسطه الحزن لسه بتضحكوا دماغكوا فيها ايه وانتوا مرضي مش لاقين الدواء وانتوا شغالين ٢٤ساعه زى المكنه ومش عارفين تدفعوا فاتورة الكهرباء دماغكوا فيها ايه وانت بتستخبي من صاحب البيت عشان الأجرة دماغكوا فيها ايه وانت بتشعبط في مواصله عشان توفر الأجرة طب وانا رايح زيارة لاهلك ومش معاك تجيب كيس فاكهه بتفكر في ايه وشكلك ايه لما مراتك تطلب منك حاجه ومش معاك فلوس دماغكوا فيها ايه وانت قاعد قدام مستشفي لابنك مش عاوزين يقبلوة دماغكوا فيها ايه وانت سعرك بينزل وسط سلع بتطلع بس دة احنا لو قارنا بينك وبين ربطه الجرجير الجرجير له سعر عنك دماغكوا فيها ايه ونسبه العنوسه بتزيد ونسبه الطلاق بتزيد ونسبه التخلف والهبل بتزيد ونسبه الأمراض والفيروسات بتسرح جوة جسمك اطلع بقي من جحرك قولي انت جنسك ايه قولي مرة واحدة دماغكوا فيها ايه