داري . دار ابويا .ودار امي

شارع الروح – علي الحامدي
عشت فيه سنين عمري وتحققت احلامي
ابص في حطانه الاقي صورتك تكلمني
يسوي ايه الدار دلوقتي بعد رحيلك يا امي
لا عاد ليا فيه كلام ولا صوتك بيوصلني
لا حد سامعلي كلام ولا خل فيه ملازمني
كل الحكاية سلام واروح بعدها في نومي
القي طيفك معايا وفيه صوتك بيكلمني
وفي الصباح دايما يصحيني من نومي
كاني طفل صغير انتي ليسه شايفاني
محتاج لحضنك يدفيني وانتي عنواني
لا فيه غير ايدك ايد بتمسح دموعي
ولا عاد الدار دارك ولا داري
لا بايدي اروحلك ولا تقدري تجيني
بدعيلك الرحمان يجعلك عنده دار وداري
ومفيش قرار اقدر اخده في الدار غير اجيلك