حظر تجوال لشاعر الروح .علي الحامدي

حظر تجوال

اول مرة انام من سنين طويلة
و مايصحنيش صوت الاذان
ولا حتي نداء الامام
الصلاة يا مؤمنين
ولما فوقت عرفت
انه الحظر تجوال
اول مرة انام ما اعرفش ايه اليوم
جالك اليوم يا شقي تقعد في البيت
ويبقي يومك كله نوم
لا صلاة جمعة اديت
ولا حتي لربك دعيت
ولا سلمت بعد الصلاة علي اصحابك
ولا عارف بكرة هتروح شغلك
ولا هيطول حظر تجوالك
هو ده علامة واختبار
ولا قهر ناس لناس
ولا حرب بين انجاس
ملهاش لا رد ولا منافس
تاخد الكبير والغالي
قبل العدو والطاغي
اثبت في دارك لحد الموجة ما تعدي
لا تأذي نفسك ولا اولادك
ولا حتي اهلك وجيرانك
سبحانه قادر يعدلعا
وخلي صلاتك في بيتك
وادعي ربك ما تشاء
رد البلاء مقدم
وسلامة النفس اولي
وحبك لربك ودعوتك ليه
ملوش وقت ولا مكان مرتبط بيه
خلي القلب عامر بحبه
واللسان رطب بذكره
وخليك مع الله وعيش في سلام
تزول الغمة وتنكشف الضرة
الكل فاني والباقي هو الله