اوقات كتير

شاعر الروح. علي الحامدي

أوقات كتير
من غير داعي بتضيع مني
واوقات كتير
بحس انه محدش فاهمني
اغضب واثور
وارجع اسامح لاني
السماحة اخلاق
وايمان ياريت تفهمني
والعطا والوفا
والحب كله ليك في قلبي
وأنت لا عندك عطا
ولا قلبك مقدر حبي
وارجع تاني
احس انه خطا قلبي
لا لاقي حد زي او حتي يفهمني
ياتري العيب فيك
ولا فيك انت يا قلبي
اوقات كتير
بحلم وياريت يتحقق حلمي
الي راح راح والي جاي دا حلمي
وحلمي اكون
نفسي في الي باقي من عمري
ضاع كتير في هواك
والباقي من عمري مش ملكي
ولا هقبل تاني آسي لقلبي
كفاية عليك كده
وكفاية عليا أعيش حلمي