اه من وجع الايام وجع بقلم مني حسن

اه من وجع الايام
“وليه طيب عشان طيب عشان يعني اللي في قلبي علي لساني ”
انا من الناس اللي مش بتعرف تتلون ولا تنافق اللي بتكون صادقه في مشاعرها ومواقفها
انا من الناس اللي لما بتحب بتحب بجد ولما بتكرهه بتنسحب بدون ما تأذي
هكذا انا اللي موجود جوه قلبي ظاهر علي ملامحها من غير كلام
للأسف اكتر ناس خسرانه في الدنيا
خسرانه مواقف وخسرانه حقوق
الدنيا بتيجي عليهم طول الوقت
الدنيا بتعلمهم أن الطيبه سلاح ذو حدين
يا السلاح يكون في ايدك يا السلاح نفسه هو اللي هيدبحك
مش كل الناس تستاهل منك انك تدى من غير حساب
مش كل الناس تستاهل انك تسامح طول الوقت
مش كل الناس تستاهل انك تيجي علي نفسك عشان هما يبقوا مرتاحين
مينفعش تضحي التضحيه المثاليه لانك هتخسر نفسك اكيد
مينفعش تدى حب صادق لناس كدابه
مينفعش تكون واضح واللي في قلبك علي لسانك مع ناس بتتلون
لكن يا ريت الواحد يفوق ويتعلم
اتعلم مين تديله الامان ومين هيفضل خاين بطبعه وهيضربك في ضهرك مهما عملت
اتعلم انك تدى بس أدى اللي يستاهل واللي يقدّر
اتعلم انك تحب بس اتعلم الاول ازاي تحب نفسك
اتعلم أن الدنيا هتكون يوم ليك ويوم عليك لكن متقبلش أن كل الايام تبقي عليك
اتعلم تكسب نفسك اولا ثم اولا ثم اولا وبعدين فكر هتكسب مين تاني معاك
اتعلم انك تتعلم من كل هزايمك عشان تعرف تبقي أقوى
متضيعوش مشاعر حلوه في المكان الغلط
متضيعش وقتك ومجهودك في الطريق الغلط
اقف حاسب نفسك وفوق
واعرف ان طيبة قلبك ميزه وعمرها ما كانت عيب بس اوعي تخليها تخسّرك وليه طيب عشان طيب عشان اللي في قلبي على لساني …
#مني