ام الدنيا قصيدة لشاعر الروح علي الحامدي

شاعر الروح – علي الحامدي
نفسي ابني نفسي اعمر
نفسي اقطع شوط طويل.
نفسي اشوفك وفي ايديا
ليكي حلم احلمته ليكي
وفيا قوة مش سبات ونوم عميق
ولا ضعف وانكسار وعود نحيل.
تكوني فخر وليا عزة ولكل جيل
وتقولي ليا مفيش عندي مستحيل.
نفسي اشوف نفسي فيكي
نفسي تبقى ام ليا.
واكون ليكي الابن الحنون
نفسي امشي في كل حارة
القى فيها ألخير كتير .
وشيخ كبير بينادي يقولي
تعالى هنا يابن الأصول
نفسي ترجع ليا الأماني
واشوف ولادك بيدعوا ليكي
ليل نهار رافعين الأيادي
يارب خلي يارب عالى يارب نجي
يا رب الاقي الكل فيكي عايش
وباديه ماسك أمانه.
ايد بتبني وايد ممدودة لاخواته وجيرانه
نفسي يا مصر تكون نصر
وفي كل عصر ام الدنيا
سلامي وحبي من قلبي ليكي
ورافعلك با ام الدنيا علامة النصر