الساكت عن الحق شيطان اخرس

بقلم سوزان احمد

نهارك وليلك بتقول تعبت —– بتشكى وتحكى وتقول زهقت

زهقت من ايه ؟؟؟؟——حقوقك اللى ضاعت ولا اللى عليها سكتت

تعبت من ايه ؟؟؟من حالك اللى مبقاش عجبك —– انت يعنى كده حكمت ؟؟؟؟؟

حالك اللى انت وصلته لكده—— مش بايد حد لكن بايدك انت

من يوم ما قولت للعزيمة اللى جواك لا ——مش هاقوم ولا هاجرى ولا هاطالب باى حق

خلينى جنب الحيط وكفاية همومى —–اللى حيلى بسببها اتهد

مسالتش نفسك ——–الهموم دى جاتلك من اى حد ؟؟؟؟؟؟

وتقلت على ضهرك …..ومبقتش عارف ترد ولا تصد

عارف منين ؟؟؟؟ ——–منك انت…. مش من اى حد

من ساعة ما مشيت فى طابوركله هس اسكت —–واحنا مالنا اشمعنا احنا خلينا فى حالنا

وفى الاخر نرجع ونقول ———-ايه اللى جرالنا ؟؟؟؟

حقوقنا ضايعة مصالحنا واقفة ——-وبينداس علينا كل شوية

وده لانكم سكتوا على همكوا ——لحد ما زاد وكبر فوق ضهركوا

شيلوا بقى واوعوا تشتكوا —-لانكم قبلتوا تشوفوا الظلم والحق بيضيع ادامكوا وتسكتوا