الحرامي قبل بهانه
كتب/ هاني عبدالكريم
شيئ غريب يحدث لنا دوما وقد يظن البعض منا أنه صدفه أو تناحه أو تعود الشيخ ابراهيم راجل بركه وبتاع ربنا عندة عائله كبيرة وبيته مليان خيرات الله ومعندوش حد بيساعد بس للاسف اتلم عليه شويه مصلحجيه وحراميه أكلوا خير البيت وابتدوا يقفوا للراجل في رزقه والحمل تقيل عليه راح استلف طبعا من خالتي بهانه عشان يمشي حاله وطبعا الحاجه بهانه في كل مرة بتذيع ومش بتبل في بقها فوله وعم الشيخ طبعا مكنش بستلف من بهانه بس وبيحاول يمشي الدنيا ياخد من دة يحط هنا والعجله بتلف والحراميه شغاله علي أبوة مش راحمه نفسها
ياشيخ ابراهيم دور ع الحرامي قبل بهانه وربنا مايحوجنا لحد يا سيدى وتعالي نحسبها
الحرامي الواحد بيسرق منك عشرة جنيه في اليوم وطبعا دة مبلغ تافه مش بتحس بيه في وقتها بس لما نضرب العشرة جنيه دى في سنه شايف الرقم بقي كام وانت يا حول الله عمال تستلف لو استلفت ألف جنيه تعمل مشروع خلال السنه يكون الحرامي شفط الالف جنيه راس مال المشروع وفوق منهم بوستين تلاته وتروح تجرى انت بقي عند اللي يسوى وميسواش عشان تستلف طب ياحج هوة انت كدة بتعمل لولادك الله ولا ولادك من بعدك هيطلع عينهم عشان يسدوا الدين وبرضوا هيستلفوا والدين هيكبر وفي الاخر هيبيعوا البيت اللي متويهم وهيبقوا كلهم في الشارع باذن الله من غير مقاطعه حاول ياشيخ تبص من الزاويه التانيه فكك من بهانه ومن اللي يسوى وميسواش وتعالي ندور ع الحرامي شوف ياشيخ الحرامي سرق كام كان ايه وبقي ايه وخد كل حاجه عندة وخد رأس المال شغله واوعي تجيب حرامي تاني ياعم الحج شوف بقي انت كام حرامي كان بيسرق من خيرك صدقني ياشيخ هتسد الديانه ونبتدى حياه زى الفل ويجعله عامر باذن الله انت راجل طيب والله العظيم
