منتظرك تعودي لشاعر الروح. على الحامدي

منتظرك تعودي
بيحسدوني ع الضحكة
بضحكها في السنة كام مرة
بيحسدوني ع البسمة
في وش طفل عمره كام سنه
بخدع بيها الناس يشوفوني سعيد
وكل أيامي شيفينها سعادة وهنا
وانا إلى عمري ما شفت للفرحه يوم عيد
ومهما اقول واعيد شايفاني الناس سعيد
وانا إلى بدعي ربنا بسمة دايمه لكل الناس
ومفيش حد بيتمنالي يوم سعادة او هنا
بيحسدوني عليكي انتي يا فرحتي
والكل يقول ماشيه معاك يا سيدي
وانتي يا ضحكة بتجيني ثانية واسبوع تغيبي
انتي الضحكة والبسمة يا ريت تكوني
شايفة دلوقتي قعدتي يمكن تحني وتيجي
وانا إلى عاشقك وطول ليلى عايش في وحدتي
بسمع آهات قلبي وانتي لحزن قلبي بترسمي
كنتي دايما بسمتي ومن قلبي طالعه ليكي ضحكتي
وبشوف كل الناس فيكي وانتي أهلي ودنيتي
بعد إلى صار كل شئ بقى نار بتاكل جتتي
والدمع سأل والحياة بقت بالنسبة ليا غربتي
انتي الحياة وانتي النجاة وانتي نجاتي وفرحتي
منتظرك تعودي يا بسمتي منتظرك تعودي يا ضحكتي
منتظرك انتي ولا حد غيرك يفرح قلبي ويملأ دنيتي